Кальци цитрат №75

Кальцийн ион нь эсийн мембраны нэвчимхий чанарыг зохицуулна. Цусан дахь кальцийн ионы дутагдал нь мэдрэл булчингийн сэрэл дамжилтийг эрс багасгадаг. Кальцийн дутагдлын үед кальцийг ууж хэрэглэснээр араг ясны эрдэсжилт нэмэгдэнэ. Витамин Д нь ходоод гэдэсний замд кальци, фосфорыг амархан шингээх өвөрмөц үйлчлэлтэй. Витамин Д дутагдлын үед яс кальцижиж чадахгүй болж улмаар зөөлөрч хэврэгшинэ. Витамин Д нь кальцийн шимэгдэлтийг нэмэгдүүлнэ. Витамин Д нь зүрхний булчингийн агшилтыг зохицуулахад оролцож, булчингийн сулралаас хамгаалах үйлчлэлтэй. Кальци бол хүний биед хамгийн элбэг байдаг эрдэс бөгөөд хувь хүний биеийн онцлогоос шалтгаалан хэрэгцээ нь янз бүр байдаг. Кальцийг хэрэгцээт хэмжээгээр хэрэглэснээр яс, шүдний эрүүл байх болон хэвийн үйл ажиллагааг хангахад чухал ач холбогдолтой юм. Харин хоолны дэглэм барих нь кальцийн дутагдалд хүргэдэг ба ялангуяа жирэмсэн болон хөхүүл үед кальци ихээр дутагддаг байна. Мөн хөгшрөлтийн насанд кальцийг хангалттай хэмжээгээр хэрэглэх нь ясны гэмтэл бэртлийг харьцангуй бууруулдаг байна.