Креон 10000ОУН - 150мг №20

**Фармакодинамик:** Хоолны шингээх үйл ажиллагааг сайжруулах нөлөөтэй ферментын бэлдмэл болно. Бэлдмэлийн найрлаганд орсон нойр булчирхайн ферментүүд нь уураг, өөх тос, нүүрс усны задралтыг хөнгөвчлөн нарийн гэдсэнд тэдгээрийг бүрэн шимэгдэхэд туслана. Креон® 10000 нь гахайн панкреатиныг бичил микросфер хэлбэрээр агуулах бөгөөд гадуураа гэдсэнд уусах бүрхүүлтэй желатин капсулд савлагдана. Капсул нь ходоодонд түргэн уусч бүрхүүл нь задарч (Ph >5,5 үед) өөх тос задлах, нүүрс ус задлах болон уураг задлах ферментүүд нь тэдгээрийг задалдаг байна. Үүний улмаас задарсан бодисууд нь шууд бусаар шимэгдэх буюу эсвэл гэдэсний ферментийн нөлөөгөөр цаашдын гидролизд ордог. **Фармакокинетик:** Нойр булчирхайн ферментүүд агуулсан ферментүүд өөрийн нөлөөгөө үзүүлэхдээ шимэгдэх шаардлагагүй байдаг. Харин эсрэгээр бэлдмэлийн заагдсан эмчилгээний нөлөө нь ходоод гэдэсний замын хөндийд бүрэн хэмжээгээр явагддаг байна.Тэрээр химийн бүтцээрээ уургийн төрөлд багтах тул ходоод гэдэсний замаар дамжихдаа уургийн задралд орж шимэгддэггүй пептид болон амин хүчлүүдийг үүсгэдэг.