Инсулатард HM үзгэн 100ОУН 3мл №5

**Фармакологийн шинж:** Инсулин болон дунд хугацааны үйлдэлтэй хүний инсулинтэй төстэй бэлдмэл.Инсулин нь цусан дахь глюкозын хэмжээг багасгана. Энэ нь булчин ба өөхний эсийн инсулины рецепторт холбогдож глюкозын эсийн мембранаар нэвтрэхийг хөнгөвчилдөг молекулд нөлөөлсөнтэй болон элгэн дэх глюкоз үүсэлтийг дарангуйлсантай тус тус холбоотой Инсулатард® Пенфилл® нь удаан хугацааны үйлдэлтэй инсулины бэлдмэл. Бэлдмэлийн үйлдэл 1,5 цагийн дотор эхэлж 4-12 цагийн дотор дээд хэмжээндээ хүрнэ. Үйлдлийн үргэлжлэх хугацаа ойролцоогоор 24 цаг. **Фармакокинетик:** Инсулины хагас ялгарлын хугацаа нь хэдэн минут байна. Инсулины бэлдмэлийн үйлдлийн үргэлжлэх хугацаа нь зөвхөн түүний шимэгдэх шинж чанараас хамаарна. Уг процессд инсулины тун, тарих чиглэл ба газар, арьсан доорх өөхөн эдийн зузаан, чихрийн шижингийн хэлбэр зэрэг хэд хэдэн хүчин зүйл нөлөөлдөг. Иймээс инсулины фармакокинетик нь гадаад ба дотоод хүчин зүйлээс ихээхэн хамаарсан хувилбаруудтай байдаг. **Шимэгдэлт:** Бэлдмэлийн цусан дахь концентраци арьсан дор тарьж хэрэглэснээс 2-18 цагийн дараа дээд хэмжээндээ хүрнэ. **Тархалт:** Цусны эргэлтэнд буй инсулины эсрэг бие (хэрэв үүссэн бол)-ээс бусад хэсгийн уурагтай холбогдсон тухай мэдээдэлгүй байгаа болно. **Метаболизм**: Хүний инсулиний химийн хувиралд инсулин протеаза, инсулин хувиргагч фермент, протеин дисульфид изомераза зэрэг ферментүүд оролцоно. Хүний инсулиний тодорхой хэсэг нь гидролиз-д орон хувирдаг гэж тооцогддог бөгөөд химийн хувирлын үр дүнд идэвхтэй метаболит үүсдэггүй байна. **Ялгаралт: **Төгсгөлийн хагас ялгарлын үе нь арьсан доорх эдээс шимэгдэх хурдаас хамаарна. Төгсгөлийн хагас ялгарлын үе гэдэг нь шимэгдэлт нь цусны сийвэн инсулины цэвэршилтээс (цусан дахь инсулины t1/2 нь хэдхэн минут) илүү байх үеийн хэмжээс болно. Судалгаагаар хагас ялгарлын үе нь ойролцоогоор 5-10 цаг болохыг тогтоожээ.