Но-шпа 40мг №100

ФАРМАКОЛОГИЙН ҮЙЛДЭЛ: Гилгэр булчингийн эсэд шууд нөлөөлж, түүний агчлыг сулруулдаг бэлдмэл. Дротаверин нь изохинолоны уламжлал бөгөөд фосфодиэстеразыг хориглож эс доторхи цАМФ-ийн хэмжээг ихэсгэх замаар гилгэр булчинд шууд үйлчилдэг бөгөөд миозины киназын сул гинжийг идэвхигүй болгосны дүнд гилгэр булчинг сулруулдаг. Папаверинтай харьцуулвал үйлдэл нь хүчтэй бөгөөд шимэгдэлт нь хурдан, уурагтай нэгдэх нь бага. Дротаверины агчил тавиулах үйлдэл нь вегетатив мэдрэлжүүлэлтээс үл хамааран ходоод гэдэсний зам, шээс бэлгийн зам, судасны гилгэр булчинд адилхан үйлчилдэг. Судас өргөсгөж эдийн цусан хангамжийг сайжруулна. Үр хөврөл хордуулах болон ургийн гаж нөлөө үүсгэх нөлөөгүй. Хоол боловсруулах замаар амархан шимэгддэг. Хагас шингээлтийн үе нь 12 минут. Биохүртэхүй-100%.