Эфлоран 400мг №10

Метронидазол нь нян болон эгэл биетний эсрэг өргөн хүрээний, идэвхтэй үйлдэлтэй бэлдмэл болно. Бэлдмэл нь Trichomonas vaginalis, Giardia intestinalis, Entamoeba histolytica, Lamblia intestinalis, мөн облигат анаэроб (үр үүсгэдэг болон үүсгэдэггүй) - Bacteroides spp.,(B.fragilis, B.ovatus, B.distasonis, B.thetaiotaomicron, B.vulgatus), Fusobacterium spp., Clostridium spp., Peptostreptococcus spp., Peptococcus spp., мэдрэг Eubacterium-ийн мэдрэг омгуудад идэвхтэй үйлчилнэ. Метронидазолд агаартан бичилбиетнүүд ба факультатив агааргүйтэн мэдрэг бус байдаг ба харин холимог бичил биетэнд метронидазол нь антибиотиктой синергист үйлдэл үзүүлж, ердийн агаартны эсрэг идэвхтэй нөлөөлдөг. **Фармакодинамик:** Метронидазолын үйлдлийн механизм нь 5-нитрогрупп нь агааргүйтэн бичил биетэн болон эгэл биетний эсийн доторхи уургийн зөөгдөлтийг өөрчилдөгтэй холбоотойгоор тайлбарлагддаг. Метронидазолын 5-нитрогрупп нь бичилбиетний эсийн ДНХ-тай харилцан үйлчлэлцэж түүний нуклейн хүчлийн нийлэгжилтийг хориглосноор бактерийг үхүүлэх үйлдэл үзүүлдэг. Метронидазолыг агааргүйтний халдварын үед 500мг тунгаар 20 минутын турш венийн судсаар тарихад бэлдмэлийн концентраци ийлдсэнд цагийн дараа 35.2мкг/мл, 4 цагийн дараа 33.9мкг/мл, 8 цагийн дараа 25.7 мкг/мл болдог. Бэлдмэл нь бие махбодын уушги, бөөр, элэг, арьс, тархи-нугасны шингэн, тархи, цөс, шүлс, ургийн ус, буглааны хөндий, үтрээний шүүрэл, үрийн шингэн, болон хөхний сүү зэрэг ихэнх орчинд бактерийг үхүүлэх концентрациар нэвтрэх өндөр чадвартай. Цусны уурагтай 10-20% ихгүй буюу сул холбогдоно. Цөс үүсэлт хэвийн үед метронидазолыг судсанд тарьж хэрэглэсний дараа цөсөн дэх концентраци нь цусны сийвэнгийн концентрациасаа ихээхэн өндөр байдаг. Метронидазолын нийт тунгийн 63% нь бөөрөөр ялгарна (20% нь хувираагүй хэлбэрээр). Метронидазолын хагас ялгаралтын хугацаа 6-7 цаг. Бөөрний клиренс нь 10.2мл/мин байдаг. Бөөрний үйл ажиллагааны дутагдалтай өвчтөнд бэлдмэлийг давтан тарьсны дараа цусны ийлдсэнд метронидазолын хуримтлал үүсч болзошгүй. Иймээс бөөрний хүнд хэлбэрийн дутагдалтай өвчтөнд метронидазолын хэрэглэх давтамжыг цөөлөх хэрэгтэй.