Депакин 5.7%-150мл

Эпилепсийн олон хэлбэрүүдийн үүсэж байгаа шалтгаан механизм харилцан адилгүй учир депакины эпилепсийн эсрэг үйлдлийн механизм олон талтай. Гэвч бэлдмэлийн үйлдлийн механизм бүрэн тайлбарлагдаагүй. Орчин үед хэд хэдэн онол дэвшүүлж байгаа: Депакин нь ГАМК-трансаминаза ферментийг дарангуйлж тархины ГАМК-ын хэмжээг ихэсгэснээр нейронуудын сэрэмтгий чанарыг багасгана. ; Нейронуудын сэрэмтгий чанарыг ихэсгэдэг амин хүчлүүд болох аспартат, глутамат, глициний нийлэгжилтийг дарангуйлна. ; Хлорын ионы шахуургын идэвхитэй хам рецепторт (пикротоксины рецептор) нөлөөлнө. Депакин нь сэтгэл санааг сэргээх, сэтгэл засах үйлдэлтэй. Сэтгэл засах бүлгийн эмүүдээс ялгаатай нь тайвшруулах, ясны булчин сулруулах үйлдэл байхгүй. Биохүртэхүй ойролцоогоор 100%. Тархи болон нугасны шингэнд сайн нэвтэрдэг. Бэлдмэлийн цусны плазм дахь концентраци нь 40-100 мг/л байхад эмчилгээний үр нөлөө эхэлнэ. Хэрэв плазм дахь концентраци нь 200 мг/л -с хэтэрвэл тунг заавал багасгана. Тогтмол хэрэглэхэд эмчилгээний 3-4 дэхь өдрөөс эмчилгээний тэнцвэртэй концентрацид хүрнэ. Цусны плазм дахь тогтвортой концентраци нь 4-14 цагийн хооронд байх тул хоногийн хугацаанд ихсэж багасдаггүй нэг хэвийн байдгаараа бусад ууж хэрэглэдэг бэлдмэлүүдээс ялгаатай.