Дифлазон 150мг №1

** Фармакодинамик:** Флуконазол нь мөөгөнцрийн эсрэг триазолын шинэ бүлгийн бэлдмэл бөгөөд мөөгөнцрийн эсийн стеролын нийлэгжилтийг сонгомлоор дарангуйлдаг. Бэлдмэл Candida spp, Cryptococcus neoformans, Microsporum spp, Trichophyton spp, Blastomyces dermatitidis, Coccidioides immitis, Histoplasma capsulatum төрлийн үүсгэгчээр үүсгэгдсэн мөөгөнцрийн халдварын эсрэг идэвхтэй нөлөөлнө. **Фармакокинетик:** Флуконазолыг судсанд тарьж хэрэглэхэд бие махбодын эд ба шингэн орчинд сайн нэвтэрнэ. Шүлс ба цэрэн дэх бэлдмэлийн концентраци цусны сийвэнгийнхтэй адил байна. Мөөгөнцрийн гаралтай менингитийн үед нугасны шингэнд цусны сийвэнгийн концентрацийн 80% агуулагдана. Цусны сийвэн дэх бэлдмэлийн концентраци тунгаас шууд хамааралтай. Бэлдмэлийг хоногт 1 удаа 4-5 өдөр хэрэглэхэд цусны сийвэн дэх концентраци 90% тогтворжино. Эмчилгээний эхний өдөр цохилтын тунгаар буюу ердийн тунгаас 2 дахин их тунгаар хэрэглэхэд цусны сийвэнгийн концентраци 2 дахь өдөр 90% тогтворжино. Тархалтын эзлэхүүн нь бие махбод дахь усны ерөнхий эзлэхүүнтэй ойролцоо байна. Флуконазол цусны сийвэнгийн уурагтай бага (11-12%) холбогдох ба хагас ялгарлын үе нь удаан буюу 30 цаг байна. Флуконазол бие махбодоос үндсэндээ бөөрөөр шээстэй ялгарах бөгөөд хэрэглэсэн тунгийн ойролцоогоор 80% нь өөрчлөгдөөгүй хэлбэрээр шээстэй гадагшилна. Бэлдмэлийн клиренс нь креатининий клиренсээс шууд хамаарна. Захын цусанд метаболит нь илэрдэггүй.