Диклоденк 100мг №10 лаа

Өвдөлт намдаах, халуун бууруулах, үрэвслийн эсрэг бэлдмэл. **Давуу тал:** Өвчин намдаах, үрэвслийн эсрэг үйлдлээрээ өндөр үр дүнтэй нь олон жилийн судалгаагаар тогтоогдсон. 2004 онд Монгол улсын Импортын шилдэг бүтээгдэхүүнээр шалгарсан. Эмийн хэлбэр, тун нь олон янз тул тунгийн зохицуулалт хийхэд болон хэрэглэх заалтаас хамаарч сонголт ихтэй. Булчинд тарьж хэрэглэсний дараа цусан дахь хамгийн өндөр тун нь 10-20 минутын дотор илэрдэг тул өвдөлт намдаах үйлчилгээгээ богино хугацаанд үзүүлж өвчтөнд тааламжтай байдал төрүүлдэг. Өвдөлт намдаах үйлчилгээ нь 30 минутын дотор эхэлдэг тул тэсвэрлэшгүй хүчтэй өвдөлт, хагалгаа, гэмтлийн дараа хэрэглэхэд онцгой үр дүнтэй нь тогтоогдсон. Шахмалаар ууж хэрэглэхэд ходоодны шүүсэнд тэсвэрлэх чадвар өндөртэй тул ууж хэрэглэхэд ходоод цочроох нөлөө багатай. 100 ретард буюу уртасгасан үйлдэлтэй хэлбэр нь өдөрт 1 удаа хэрэглэхэд өвдөлт намдаах үйлчилгээгээ хоногийн турш үзүүлнэ. Хоногт 1 удаа хэрэглэхэд ходоод цочроох нөлөө багатай.Урт хугацаагаар хэрэглэхэд тохиромжтой.