Кардиовит 0.5%-2мл №3

Нүүрс усны солилцоонд оролцох витамины нийлмэл бэлдмэл. Уусгагч бүхий тарилгын уусмал, лиофилжүүлсэн нунтаг бүхий туншил. **А_денозин трифосфат динатрийн давс (ATФ)_** - бодисын солилцооны үйл ажиллагааг идэвхжүүлэгч аденозины уламжлал юм. Даралт бууруулах, зүрхний хэм алдалтын эсрэг, судас өргөсгөх ялангуяа зүрхний титэм судас өргөсгөх үйлдэлтэй. **_Кокарбоксилаз _**- бие махбодид тиаминаас (витамин В1) үүсдэг кофермент. α-кетохүчлийн карбоксил бүлгийг задлах ба нийлэгжүүлж, карбоксилийн гинжин урвалын ферментийн найрлаганд орж, нүүрс усны солилцоонд чухал үүрэг гүйцэтгэнэ. Нуклейн хүчил, уураг, липидийн нийлэгжилтийг нөхцөлдүүлнэ. Бие махбодын сүүний хүчил, пировиноградын хүчлийн хэмжээг багасгах ба глюкозын шимэгдэлтийг сайжруулна. Мэдрэлийн эдийн тэжээлийг сайжруулна. **_Цианокобаламин (витамин В12)_ **\- бие махбодид орших биологийн өндөр идэвхт аденозилкобаламин, кобамидын идэвхтэй хэлбэр юм. Уураг өөх тосны солилцоог идэвхжүүлнэ. Цусан дахь холестерины хэмжээг багасган элэг өөхлөхөөс урьдчилан сэргийлнэ. Цус төлжүүлэх эрхтний хэвийн үйл ажиллагаанд зайлшгүй шаардлагатай **_Никотинамид _**\- витамин РР-ын нэг хэлбэр бөгөөд эсийн исэлдэн ангижрах процесст оролцон нүүрс ус, азотын солилцоог сайжруулж, липидийн солилцоог хэвийн болгох, цусан дахь судас хатууруулагч липопротейн өөх тосны хэмжээг багасгах үйлдэлтэй.