Гентамицин 80мг №1

Аминогликозидын бүлгийн бактерийг үхүүлэх өргөн хүрээний үйлдэлтэй антибиотик. Рибосомын 30S субьедиництэй холбогдож уургийн нийлэгжилтийг өөрчлөн зөөврийн ба мэдээллийн РНХ-ын комплекс үүсэхийг саатуулна. Ингэснээр алдаатай РНХ ба үйл ажиллагааны бус уураг үүснэ. Өндөр концентрациараа цитоплазмын мембраны хамгаалах үйл ажиллагааг багасган бичил биетнийг үхүүлнэ. Гентамицинд маш мэдрэг грамм сөрөг бичил биетэн (MIC - дарангуйлах хамгийн бага концентраци 4мг/л-с бага): Proteus spp., (ялангуяа индол эерэг ба сөрөг омог), Escherichia coli, Klebsiella spp., Salmonella spp., Shigella spp., Campylobacter spp грам эерэг бичил биетэн: Staphylococcus spp (пенициллинд тэсвэртэй), MIC нь 4-8мг/л үед мэдрэг: Serratia spp., Klebsiella spp., Pseudomonas spp., (ялангуяа Pseudomonas aeruginosa). Acinetobacter spp., Citrobacter spp., Providencia spp. MIC нь 4-8мг/л-с их үед тэсвэртэй омог: Neisseria meningitides, Treponema pallidum, Streptococcus spp., (Streptococcus pneumonia, D бүлгийн омог), Bacteroides spp., Clostridum spp., Providencia rettgeri. Бичил биетний эсийн ханын нийлэгжилтэнд үйлчилдэг пенициллинтэй (бензилпенициллин, ампициллин, карбенициллин, оксациллин) хамт хэрэглэхэд Enterococcus faecalis, Enterococcus faecium, Enterococcus durans, Enterococcus avium, Streptococcus faecalis-ын бүх омог, төрөл (Str. Faecalis liguifaciens, Str. faecalis zymogenes), Streptococcus faecium, Streptococcus durans зэрэг үүсгэгчид үйлчилдэг. Бичил биетнүүд гентамицинд удаан дасах боловч неомицин ба канамицинд тэсвэртэй омгууд гентамицинд дасаж (бүрэн бус солбицсон дасал) болно. Бэлдмэл мөөгөнцөр, вирус, эгэл биетэнд нөлөөлөхгүй.