Магнийн сульфат 25гр

Тарьж хэрэглэсэн магнийн сульфат төв мэдрэлийн системд тайвшруулах үйлдэл үзүүлэх ба хэрэглэж байгаа тун хэмжээнээс шалтгаалан нойрсуулах буюу наркоз үүсгэх үйлдэл ч үзүүлж болно.магнийн сульфатыг ууж хэрэглэхэд гэдэсний ханаар цусанд муу шимэгдэх тул мэдрэлийн системд төдийлөн нөлөөлхгүй.Харин гэдэсний доторх агууламжийн зүйлийн концентрацийг ихэсгэсэнээс шингэний шимэгдэлт багасч,хуримтлагдсан шингэн гэдэсний салстын рецепторыг цочроож гэдэсний гүрвэлзэх хөдөлгөөнийг нэмэгдүүлэн өтгөн гадагшлах явцыг түргэсгэн туулгана. Ууж хэрэглэсэн магний сульфат 12 хуруу гэдэсний салстыг цочроосоноос цөс хөөх үйлдэл үзүүлнэ.Энэ бэлдмэлийн өөр нэг онцлог нь тарьж хэрэглэхэд мэдрэл- булчингийн сэрэл дамжилтыг саатуулах ба их тунгаараа курарь төст үйлдэл үзүүлдэг явдал юм.Түүнэс гадна магний сульфат цусны даралтыг бууруулж, амьсгалын төвийн сэрэх чанарыг багасгана. Кальцийн ион, магний ионы эсрэг үйлдэлтэй байх тул биемахбодод калцийн ион багассан үед магний сульфат хүчтэй үйлчилнэ.