Климонорм №21

Дааврын бэлдмэл Климонорм нь цэвэршилтийн хам шинжийг эмчлэх эстроген- гестагены хавсарсан бэлдмэл. **Фармакодинамик:** Дараалж уух эстроген-гестагены бэлдмэл Климонорм нь цэвэршилтийн үеийн дааврын дутагдлыг нөхдөг. Тус бэлдмэл нь цэвэршилт болон түүний урьтал ба дараа үеийн бие, сэтгэцийн өөрчлөлт болон эстроген хамааралтай хам шинжүүдийг бууруулна. Түүнээс гадна дааврын орлуулах эмчилгээ нь ясны жингийн багасалтаас болон ясны сийрэгжилтээс урьдчилан сэргийлнэ, зүрх судасны өвчин үүсэх эрсдлийг багасгана, эндометрийн хавдар үүсэх магадлалыг бууруулна. **Фармакокинетик:** Ууснаас хойш эстрадиол валерат нь хоол боловсруулах замаар хурдан хугацаанд бүрэн шимэгддэг. Бие махбодид орсноос хойш эдийн солилцолд орж байгалийн өндөр идэвхитэй эстроген -176-эстрадиол болон эстрон үүсгэж, тэдгээр нь цаашид стандарт бодисын солилцоонд ордог. Эстрадиол нь бие махбодиос гол төлөв шээсээр /90%/, бага хэсэг/10%/ нь цөсөөр ялгарна. Дотуур ууж хэрэглэсний дараа левоноргестрел хоол боловсруулах замаас хурдан хурдан хугацаанд бараг бүрэн шимэгддэг. Левоноргестрелийн бодисын солилцооны хувирлууд /метаболитууд/ шээс болон цөсөөр гол төлөв коньюгат хэлбэрээр ялгарна.